Bienal de Pontevedra

Esta é unha instalación interactiva na que se convida as e os visitantes a disparar bólas de pintura contra un tanque. Esta obra rememora a infancia de Zehra Doğan no Kurdistán do norte, cando lles lanzaba pedras aos vehículos blindados do exército turco. A acción, aparentemente inofensiva, convértese nun acto de resistencia simbólica. A través deste xesto, Doğan reflexiona sobre os límites da violencia e a potencia dos pequenos actos de resistencia fronte á maquinaria militar. A peza expón unha crítica ao mundo militarizado no que vivimos e convida a reflexionar sobre as alternativas á loita armada e sobre a condición humana nun sistema que perpetúa a violencia.