Comisariado

  • Juan Canela Instagram

    Comisario
    Juan Canela

    España, 1980. Vive e traballa na cidade de Panamá. É comisario xefe do Museo de Arte Contemporánea de Panamá, cocomisario da 33.ª Bienal de Pontevedra (2027), membro do Comité de Selección de ArtBo Bogotá e tamén do Comité Asesor do Instituto Cáder de Arte Centroamericana do Museo Reina Sofía (2025-2027). Recentemente foi comisario do programa "Encuentros en Artbo Bogotá" (Encontros en Artbo Bogotá, 2025), cocomisario da 23.ª Bienal de Arte Paiz en Guatemala (2023) e comisario de "Patio ABC" de Baixa California, México (2023-2024). Anteriormente desempeñouse como director artístico de Z ⓈONAMACO en Cidade de México (2020-2023); comisario asociado do Centro de Residencias Artísticas de Matadero Madrid (2020-2021) e asociado de investigación e simposios da osloBIENNALEN FIRST EDITION (2019-2020). Foi cofundador e codirector do programa de residencias "BAR Project" en Barcelona (2012-2020) e formou parte da Comisión de Programas de HANGAR Barcelona (2016-2019). Comisariou proxectos en museos, galerías e institucións coma Kochi Bienal, India; Museo de Arte de Taichung, Taiwán; Museo de Arte Moderna de Medellín (MAMM); Fundación JUMEX, Cidade de México; Museo Centro de Arte Dos de Mayo (Museo CA2M), Móstoles; Artissima Turín, Italia; Tabakalera, San Sebastián; SOMA (México); ou Fundación Joan Miró, Barcelona. Impartiu talleres e conferencias en lugares coma Palais de Tokyo, París; Artpace, Santo Antonio; De Appel, Amsterdam; FLORA ars+natura, Bogotá; Instituto Di Tella, Bos Aires; Lugar a Dudas, Cali; ou La Casa Encendida, Madrid. No 2020 organizou, xunto a Elena Ketelsen González e Carla Acevedo Yates, o programa "Chotin: prácticas curatoriales desde Centroamérica y el Caribe" (Chotin: prácticas comisariais desde Centroamérica e o Caribe), desenvolvido entre os museos de arte contemporánea de Panamá e Chicago e o MoMA PS1. Xunto a Ángel Calvo publicou o libro Desde lo curatorial. Conversaciones, experiencias y afectos (Desde o comisarial. Conversas, experiencias e afectos, 2020) coa editorial Consonni. Escribiu para revistas e medios especializados coma A*Desk, Art Nexus, Babelia (El País), Terremoto, Art-Agenda, Concreta ou Mousse Magazine. 

  • Ángel Calvo Ulloa Instagram

    Comisario
    Ángel Calvo Ulloa

    Lalín, 1984. Vive e traballa entre Madrid e Galicia. É comisario e escritor. Licenciado en Historia da Arte pola Universidade de Santiago de Compostela e co máster en Arte Contemporánea: Creación e Investigación pola Universidade de Vigo. Foi comisario, xunto con Marta Mestre, de O Fantasma da Liberdade (A pantasma da liberdade), Anozero-Bienal de Coímbra 2024. Entre os seus últimos proxectos de comisariado cómpre destacar Taxio Ardanaz & Carla Filipe. Kooperatiba, en Tabakalera (Donostia); Jordi Teixidor. No-res, na Sala Alcalá 31 (Madrid); Juan Uslé. Ese barco en la montaña (Juan Uslé. Ese barco na montaña), no Museo Reina Sofía (Madrid); ¿Adónde irá el pájaro que no vuele? (Onde irá o paxaro que non voe?), en La Casa Encendida (Madrid); Humores y Espesores (Humores e espesores), de Rodríguez-Méndez, no Museo Centro de Arte Dos de Mayo (Museo CA2M, Móstoles); El sueño de la cólcedra (O soño da cólcedra), de Teresa Lanceta, no Museo Patio Herreriano (Valladolid); Siron Franco: Pensamento insubordinado (Trabalhos, 1961-2023) [Siron Franco: pensamiento insubordinado (Traballos, 1961-2023)], no Museo de Arte Contemporánea de Goiàs (Brasil); Anidar en el gesto: unas estanterías de Alberto (Aniñar no xesto: uns estantes de Alberto), na Fundación Cerezales Antonio y Cinia (Cerezales del Condado, León); Autoconstrucción. Piezas sueltas. Juego y experiencia (Autoconstrución. Pezas soltas. Xogo e experiencia), de Antonio Ballester Moreno, en Artium (Vitoria-Gasteiz); Complexo Colosso (Complexo coloso), Centro Internacional das Artes José de Guimarães ou, xunto a Nuria Enguita, Habitación. El Archivo F.X., las chekas psicotécnicas de Laurencic y la función del arte (O Arquivo F.X., as chekas psicotécnicas de Laurencic e a función da arte), de Pedro G. Romero, no Museo CA2M, no Museo Nacional de Arte de Cataluña (MNAC, Barcelona) e en La Nau (Valencia). No 2022 coordinou o proxecto editorial Novos Babilónios: Atravessar a Fronteira (Novos babilonios: atravesar a fronteira), de Pedro G. Romero, para a Galería Municipal do Porto (Portugal). Desde o 2011 comisariou tamén en institucións coma Caixaforum (Barcelona), o Museo de Arte Contemporánea (MARCO) de Vigo, o Centro Cultural de España en México (Cidade de México), a Fundación Luis Seoane (A Coruña), Tabacalera (Madrid), o Centro Párraga (Murcia) ou o Espazo de Arte Contemporánea de Castelló (EACC), entre outras. Escribiu para revistas e medios especializados coma El Cultural, A*Desk, Dardo ou Concreta. No 2020, en coautoría con Juan Canela, publicou o libro Desde lo curatorial. Conversaciones, experiencias y afectos (Desde o comisarial. Conversas, experiencias e afectos), dentro da colección Paper de Consonni.