Artistas
Manuel Vilariño (1952, A Coruña) traballa principalmente con fotografía, poesía e instalación. Nas súas imaxes mestura elementos da natureza con elementos culturais, coma o relixioso e o profano, o sacro e o prohibido. As súas composicións son simples e austeras; nelas podemos atopar naturezas mortas, influenciadas pola pintura barroca e pola cultura oriental, ademais de retratos e paisaxes. A través da súa obra, Vilariño reflicte unha mirada profunda cara á natureza e toca temas coma a espiritualidade, a soidade, o paso do tempo e a relación entre a vida e a morte.
