Bienal de Pontevedra

Antoni Muntadas (1942, Barcelona) é un dos artistas máis relevantes da arte conceptual en España; entre os aspectos máis característicos da súa obra, atópase o uso de contidos dos medios de comunicación. A súa creación céntrase en analizar o papel destes medios na construción dos discursos, a manipulación da información e a maneira en que os poderes establecidos controlan o que vemos e cremos. A través dos seus traballos, Muntadas cuestiona as institucións sociais e os mecanismos de poder que as sosteñen, á vez que explora a influencia dos medios na creación do imaxinario colectivo. As súas investigacións céntranse en temas coma a censura, as fronteiras entre o público e o privado, e o papel da arte na sociedade contemporánea. As súas instalacións requiren dunha aproximación crítica para completar o seu sentido.