Bienal de Pontevedra

Para a Bienal de Pontevedra, Emily Jacir retoma unha investigación de 2007 centrada no asasinato de Wael Zuaiter, un intelectual palestino que foi executado por axentes do Mosad en Roma en 1972. A peza, situada na fachada da Casa da Luz, emprega diversos elementos simbólicos para contar esta historia; un tapiz que mostra o libro de As mil e unha noites atravesado por unha bala, un neon cunha cita do poeta inglés Francis Thompson e columnas envoltas en sudarios brancos lembran o asasinato de Zuaiter, o primeiro dunha serie de ataques contra o pobo palestino en Europa, e fai referencia á violencia e ao sufrimento de miles de persoas que foron vítimas da ocupación. A intervención transforma o espazo público nun recordatorio das historias esquecidas e dos corpos invisibles da historia palestina.