Bienal de Pontevedra

A bienal tamén presenta unha selección da súa obra videográfica na que explora temas coma o desprazamento, a memoria e a perda no contexto palestino. En Longing (Anhelo, 2003), Adon aborda a construción do muro divisorio en Palestina, unha barreira física e simbólica que fragmenta non só o territorio, senón tamén as vidas de quen o habita. Nesta peza, a artista expón cuestións sobre a seguridade, a paz e a separación, mentres reflexiona sobre a dor e a angustia que xera a fragmentación.