A Bienal de Arte de Pontevedra, a máis antiga de España, regresa do 21 de xuño ao 30 de setembro de 2025 logo de quince anos de ausencia. Trátase dun evento cultural internacional que busca celebrar a arte e fomentar o diálogo sobre a cultura contemporánea.
A 32.ª edición terá o Museo de Pontevedra como epicentro dun acontecemento que se estenderá polas prazas, fachadas e centros culturais de toda a cidade.
Co lema “Volver a ser humanos… ante a dor dos demais”, o crítico e profesor Antón Castro seleccionou máis de sesenta artistas internacionais de primeiro nivel para abordar temas que marcan o discurso existencial contemporáneo: guerras, cambio climático, migracións, crises sociais, autoritarismo ou democracia, entre outros.
Pontevedra será un escenario vibrante de reflexión, debate e celebración da cultura contemporánea.
A arte volve.