A Estación Marítima de Vigo é a principal terminal de cruceiros e o punto de referencia portuario desta cidade. Construída orixinalmente en 1951 polo enxeñeiro Manuel Espárrago Fernández para o tráfico transatlántico, conta cunha arquitectura rexionalista con elementos clasicistas e cun interior con lucernario e rosa dos ventos.

Pertencente ao Porto de Vigo, funciona como terminal para a chegada de grandes cruceiros internacionais, ademais de albergar institucións oficiais coma a Capitanía Marítima ou Sanidade Exterior. O recinto tamén acolle, de forma ocasional, eventos expositivos e actúa como espazo multiúsos para feiras, exposicións, concertos e galas.