Christian Villamide en conversa con Agar Ledo
Christian Villamide conversará coa comisaria adxunta Agar Ledo ao redor da súa obra Observatorios/nunha paisaxe cun tiro na nuca (2025), presentada na 32.ª Bienal de Pontevedra.
A instalación —composta por tres estruturas que simulan observatorios— interpela directamente a quen a percorre; unha experiencia inmersiva sobre a vixilancia, o control e a fraxilidade da intimidade. A través de muros de celosía e ocos estratéxicos, Villamide constrúe un espazo no que mirar e ser mirado se converte nunha experiencia compartida e, á vez, inquietante.
En diálogo con Agar Ledo, o artista explorará os significados e as tensións desta peza no contexto dunha sociedade marcada pola hipervixilancia tecnolóxica e polo dominio silencioso sobre a contorna. Tamén abordarán os cruzamentos entre arte, arquitectura efémera, percepción e política dos corpos.
Capacidade limitada a 40 persoas