Bienal de Pontevedra

Carmen Hermo (1967, Pontevedra) é artista, investigadora e profesora na Facultade de Belas Artes de Pontevedra. A súa obra desprégase como un territorio de exploración crítica, no que investiga e manipula feitos aceptados e pon en evidencia aqueles ignorados, a miúdo cuestionando de maneira radical o papel do museo como industria cultural. Na súa práctica, avoga pola arte como motor de transformación social desde un enfoque ecofeminista e revisa temas coma a crise ambiental, o esgotamento dos recursos enerxéticos e a reconexión coa espiritualidade da terra. O finito da existencia humana articúlase tamén como unha cuestión chave no seu traballo.